Ruotsi
protokollföra beslut
Esimerkki
Matti Junes född i finska Tornedalen,
Kulttuuri taustaa sanasta
Kokkouksessa oon kuttu, jolla saahaan porukka kokhoon. Joku sitten vettää kokkousta. Valithaan joku joka pannee ylös asiat jokka häätyy käyä läpitte. Toethaan kukka oova paikala. Asioita syynäthään puolelta jos toiselta, niistä tingathaaki välistä niin ette jokku saattava tulistua. Päätökset sitte lyöhään lukhoon ja panhaan kirhjoin paragraafi paragraafilta. Joku saattaa sanoa ette hään lähe tuomosseen fölhjyyn eikä ole päätöksen takana ja vaatii kirhjoin ylös ette ole sammaa mieltä. Jokku oova hyin hanakat kannattamhaan nokkamiehiä niinko kävi Lahenperän Eelikselle, joka sano ette herra puhheenjohjaja mie olen sammaa mieltä ko Korpi ja ko sitte kattothiin, ette mitä mieltä se Korpi oli ollu niin toethiin ette se ollu vielä puhunukhaan. Net oova melkosta tiitteriä nuot kokkoukset. Vaimo sannoo, ette kuivakki seurakunnan kokkoukset olit hauskat ko otti koko hoijon tiitterin kannalta.
Alkuperä
Pannu muistiin 2009-10-14 Birger Winsa