Birger Winsa: Kukas söi hauenpään kevät aikana kun keitethiin kalakakkoja ja mätihaukia? Kotona pappa aina sai keitetyn hauenpään. Mie uskoin ette se oli kunnianloukkaus, mutta nyt uskon toisin päin. Talon isäntä piti saa parhaiman osan hauesta. Arto Baas: Pää Pyytäjälle. Keskimuru Keittäjälle.Pyrstö Peränpitäjälle. Maksa Maaltakattojalle. Markku Kurkkio: Pää pyytäjälle, suolet soutajalle, maksa maale kantajalle, pyrstö peränpitäjälle.
Other
Aimo Viippola: Kalan päässä on vähän maukasta lihaa, lisäksi aivot ovat käytännössä terveellistä rasvaa . Säyneen. Lahnan. Ison ahvenen. Ym kookkaahkoitten kalojen päät antavat herkkupaloja kypsennettyinä savustamalla. Paistamalla ja keittämällä. Unto Matinlompolo: Ehottomasti hauen paras osa! Ikehneet lähtevät nauhana keitetystä päästä ja maku on toela hyä! Ja poskitten ja niskan myöski. Mutta silmän kalkkipallo on mauton.
Jos hyvä vuopio väylässä niin siittä ei mene jäät. Net laskevat pohjaan ja sulavat. Kevväilä panthiin lanat jään pääle ja tietysti kieliverkko maahan kiini. Ja siuloitten päät läpi jään ja tolphaan kiini. Jäänlähön aikana jää pikku hiljaa suli ja laskeutui pohjaan koska jää oli useasti pohjaan asti. Lana meni mukana pohjaa vasten. Ja sitten kutomahauet tulit vuopihoon kutomhaan ja menit suurissa määrissä lanhoin koska siulaverkot ja kieliverkko ohjasit heitä. Mätihaukia saithiin saoittain ja keithetiin kalakakkoja niiistä. Ja jaethiin haukia ilmhaisesti ympäri kyllää. Met saima läjän mätihaukia joka kevä meän krannilta Karkean Albiinilta, joka ei jaksanu syä 100 haukia yksin. Tämä tapahtui Kainhuunväylän vuopiossa. Tässä kehno filmit siltä aijalta. Onko kalastusmenetelmä tunnettu muuala?
Other
< saame. Långsmal vik likt en å. Film om fiske i Vuopio. https://www.youtube.com/watch?v=BO9IxtHcVBg
Source
Itkonen, Aejmelaeus, Anthoni.
Writen down by Birger Winsa
Veikko Pahajoki: Ennen kuttuthiin Piteåta "pikku Koutokeinoksi". Sielä kävi ilmesesti paljon koutokeinolaisia kesälomala ja rakensivat tupiaki sinne. Piteåssa on lämpimät veet ja uimarannat niin ei ole kummakhaan ette meillä pohjosen ihmisillä on veto sinne.
Veikko Pahajoki: Ennen kuttuthiin Piteåta "pikku Koutokeinoksi". Sielä kävi ilmesesti paljon koutokeinolaisia kesälomala ja rakensivat tupiaki sinne. Piteåssa on lämpimät veet ja uimarannat niin ei ole kummakhaan ette meillä pohjosen ihmisillä on veto sinne.