Kulltuurieroja on pitkin rajaväylää jokka on rakentanheet kulttuurimuuria, jokka ei ole rasismia. Rasismi on kun uskot ette joku porukka on jeneettisesti kehnompi. Ruottin tornionlaaksolaiset on sammaa "heimoa" kun suomalaiset. Arabialaiset vihhaavat juutalaisia. Se on kulttuurirasismi, koska arabian kieli ja sen heimot kuuluvat samhaan semiittisheen kieliryhmään kun juutalaiset. Mutta kulttuurirasimi voi ilman muuta muuttua rasimiks, kuten anttisemitismi Euruupassa ja musliimi maissa. Kulttuurirasismi on sama kun mitä kuttuthaan rajarasismiks. Katto rasifeerinki ja vonnu.
Joka syksy noin 10-14 vuotiaat lapset spiuneerasit joukoissa. Keskikyläläiset spiuneerasit ala- eli ylipääläisiä. Kaikila oli fikklamppu, joilaki 5-6 batteria pitkä. Ja leikissä ei ollu päätä. Spiuneerathiin vain. Tzvote ja toiminta oli yks ja sama asia. Leikin tavote on leikki itte. Ja välistä varastethiin vaikkapa muuruuttia kryyvimaasta. Mäen Einari menetti kohta koko muuruuttimaan spiuneerinkin aikana kun spiunit halusit enemän jännää. Sitten menthiin mettäkämphään mikä oli esimerkiks koulun lähelä, Pikkumettässä. Minkä 5-6 luokan pojat olit rakentanheet kyläsahan rimoila. Sielä oli kynttilävalo, pikku kamiini ja sinne saattoi tulla tyttäriä jokka kans halusit jännää. Pojat ei oikein aina tienheet mikä se on se jännä ette olla tyttäritten kans, mutta jännää se silti oli. Alethiin huomaamhaan seksin voimaa.
Kainulasjärvi: Sitä häätyy svingata oiekala tavala kun ampuua haulikolla leertyyvoja. Häätyy svingata pehmeästi vähän etheen leertyyvaa ennenku ampuua. Kagtto tuola, sillä on hyvä svingi.
Hasse Alatalo, Facebook: Lohia on monenlaisia yks niistä on kosse.(Suunile kilhoinen pikkulohi)Mutta lohta on aina ollu Kaihnunväylässä. Myös ylempä Jokin. Mailmansoan aikana oli niin paljon ette Täränössä rakenethiin lohipaon. Vissinä vuosina ko vesi on korkeanna justhins sillä aikaa ko lohet nousevat merestä niin monet pääsit Jokin siutti. Mutta nyt ko trappu on sielä ne pääse kaikki.Ja juuri lohitrapun avula meilä on nyt lohta sekä Kaihnuun ette Täränön ja Kaalasväylässä.
Other
Helt okänt i Kainulasjärvi, även att det fanns lax norr om Jokkfall. Möjlig lånord från svenska gosse, småpojk. Vertaa kossi ja lohistorttia.