Meilä kuuruthiin syksyn aikana. Meilä sanothiin niin. Met kuurusimma pimeässä iltakauet. Spiuneerata siis... jos sitä haluaa syysiltoina kuuruta niitä jokka kulkevat siutti.
Kulttuuri taustaa sanasta
Östfinska, från Ladogas stränder enlgit SMSA.
Alkuperä
Lars Lampinen, Unbyn Boden. Kyyttikirja. Förf. Inga - Britt Uusitalo, sidan:47.
Pannu muistiin Birger Winsa
Joka syksy noin 10-14 vuotiaat lapset spiuneerasit joukoissa. Keskikyläläiset spiuneerasit ala- eli ylipääläisiä. Kaikila oli fikklamppu, joilaki 5-6 batteria pitkä. Ja leikissä ei ollu päätä. Spiuneerathiin vain. Tzvote ja toiminta oli yks ja sama asia. Leikin tavote on leikki itte. Ja välistä varastethiin vaikkapa muuruuttia kryyvimaasta. Mäen Einari menetti kohta koko muuruuttimaan spiuneerinkin aikana kun spiunit halusit enemän jännää. Sitten menthiin mettäkämphään mikä oli esimerkiks koulun lähelä, Pikkumettässä. Minkä 5-6 luokan pojat olit rakentanheet kyläsahan rimoila. Sielä oli kynttilävalo, pikku kamiini ja sinne saattoi tulla tyttäriä jokka kans halusit jännää. Pojat ei oikein aina tienheet mikä se on se jännä ette olla tyttäritten kans, mutta jännää se silti oli. Alethiin huomaamhaan seksin voimaa.
Spiuneerinkin aikana syksylä kaikila oli fikklamppu, joilaki 5-6 batteria pitkä. Sitten menthiin mettäkämphään mikä oli esimerkiks koulun lähelä. Minkä pojat olit rakentanheet. Sielä oli kynttilävalo ja sinne saatoit tulla tyttäriä jokka kans halusit jännää. Pojat ei oikein tienheet mikä se on jännä olla tyttäritten kans, mutta jännää se silti oli. Alethiin huomaamhaan seksin voimaa.